काठमाडौं । सत्तारुढ दल नेपाल कम्युनिस्ट पार्टी (नेकपा) भित्र देखिएको विवाद समाधानका लागि गठित कार्यदलले आफ्नो प्रतिवेदन बुझाएको छ ।
अध्यक्षद्वय केपी शर्मा ओली र पुष्पकमल दाहाल प्रचण्डद्वारा साउन ३० गते गठन भएको कार्यदलले तयार पारेको सर्वसम्मत प्रतिवेदन शनिबार बुझाएको हो ।
प्रधानमन्त्री निवास बालुवाटारमा उपस्थित अध्यक्षद्वयलाई कार्यदलका सबैसदस्यहरुको उपस्थितिमा संयोजक पौडेलले बुझाएको प्रधानमन्त्रीका प्रेस सल्लाहकार सूर्य थापाले जनाएका छन् । कार्यदलले एकसातामै प्रतिवेदन तयार पारेर बुझाएको छ ।
नेकपामा शिर्ष नेतृत्वबीच पार्टीमा गम्भीर प्रकारको अन्तरविरोध पैदाभएर पार्टी फुटकै अवस्थामा पुगेपछि लामो समयको छलफलपश्चात अध्यक्षद्वय कार्यदल बनाएर समस्या र समाधानको खोजी गर्ने निस्कर्षमा पुगेका थिए ।
कार्यदललाई पछि नेकपाको सचिवालय बैठकले अनुमोदन गरेको थियो ।
प्रतिक्रिया