नेपालगन्ज । प्रहरी हिरासतमा कोरोना संक्रमण पुष्टि भएका पछि आइसोलेसनमा राखिएका बाँके प्रहरीका एकजना थुनुवा आइसोलेसनबाटै फरार भएका छन् ।
हिरासतमा रहँदा कोरोना पुष्टि भएपछि उनलाई खजुरास्थित कृषि तालिम केन्द्रको आइसोलेसनमा राखिएको थियो । उनी प्रहरीको आँखा छलेर आइसोलेसनबाट फरार भएका हुन् ।
फरार अभियुक्त जिल्ला प्रहरी कार्यालय, बाँकेको लागु औषधी कोरेक्स मुद्दामा हिरासतमा थिए । भदौ ५ गते पोजिटिभ देखिएपछि उनलाई कृषि तालिम केन्द्रको आइसोलेसनमा लगिएको थियो । संक्रमित थुनुवा राजु जसगढ आइतबार राती भागेको प्रहरीले बताएका छ ।
बाँके प्रहरी प्रमुख एसपी ओमबहादुर रानाले भागेका थुनुवाको खोजी भइरहेको बताए । प्रहरीका अनुसार ५ सीसी कोरेक्स भारतबाट नेपाल ल्याउंदै गरेको अवस्थामा पक्राउ परेका २ जना मध्य फरार अभियुक्त एकजना थिए ।
थुनुवा भागेपछि आइसोलेसनको सुरक्षार्थ रहेका प्रहरीलाई जिल्ला प्रहरी कार्यालयमा तानेर केरकार थालिएको छ । उनीहरु कारबाहीको दायरामा आएका छन् । खजुरास्थित आइसोलेसनमा असईको कमाण्डमा ५ जना प्रहरी खटिएका थिए ।
प्रतिक्रिया