धरानमा उपचाररत एकजना कोरोना संक्रमितको मृत्यु

सुनसरी । धरानमा उपचाररत कोरोना संक्रमित एक पुरुषको मृत्यु भएको छ ।

धरानस्थित विपी कोइराला स्वास्थ्य विज्ञान प्रतिष्ठानमा उपचाररत सिरहाको मिर्चैया ६ निवासी ६५ वर्षीय पुरुषको मृत्यु भएको हो ।
उनको सोमबार राति मृत्यु भएको विपी कोइराला स्वास्थ्य विज्ञान प्रतिष्ठानका प्रवक्ता डा. निदेश सापकोटाले बताए ।

दिर्घरोगी भएका उनलाई गएको भदौं १० गते विराटनगरस्थित विराट मेडिकल कलेजबाट रिफर गरी धरान ल्याइएको थियो । स्वासप्रस्वास समस्या देखिएपछि उनलाई भेन्टिलेटरमा राखेर उपचार गर्नेक्रममा उनको मृत्यु भएको हो ।

योसँगै नेपालमा कोरोना संक्रमणबाट मृत्यु हुनेको संख्या २ सय २९ पुगेको छ ।