काठमाडौं । हाल मनसुनी न्युन चापीय रेखा पुर्वी र मध्य भू–भागमा नेपाल नजिक रहेको छ । हाल देशका केही स्थानहरुमा मेघगर्जन र चट्याङसहित हल्कादेखि मध्यम वर्षा भएको छ ।
त्यस्तै प्रदेश न.१ र गण्डकी प्रदेशका एक, दुइ स्थानहरुमा भारी वर्षा समेत भईरहेको जल तथा मौसम विज्ञान विभागले जनाएको छ । आज विहान ४ बजे मापन गरिएको तथ्यांक अनुसार पछिल्लो ६ घण्टा ईलाम, झापा, सुनसरी र मोरङ जिल्लामा भारी बर्षा भएको छ ।
जसअनुसार मेची, निन्दा, बिरिङ, मावा, नुना, बुढीखोलाहरु,कन्काई नदीको तल्लो तटीय क्षेत्र र अन्य साना खोलामा आकस्मिक बाढी तथा होचा स्थानमा डुबान हुन सक्ने सम्भावना रहेकाले सतर्कता अपनाउन विभागले चेतावनी जारी गरेको छ ।
आज दिउँसो देशभर सामान्यतया बदली रही धेरैजसो स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का केही स्थानहरूमा भारी वर्षाको सम्भावना रहेको विभागले जनाएको छ ।
आज राती देशभर सामान्यतया बदली रही केही स्थानहरुमा मेघगर्जन र चट्याङसहित सहित हल्कादेखि मध्यम वर्षाको सम्भावना रहेको छ।
प्रदेश १, प्रदेश २, बागमती प्रदेश, गण्डकी प्रदेश र प्रदेश ५ का केही स्थानहरुमा भारी वर्षाको सम्भावना रहेको जल तथा मौसम विज्ञान विभागले जनाएको छ ।
प्रतिक्रिया