पोखरा । गण्डकी प्रदेशमा थप ३१ जनामा कोरोना भाइरसको संक्रमित पुष्टि भएको छ । जसमध्ये सबैभन्दा धेरै पोखरा महानगरपालिकाका रहेका छन् ।
प्रदेश स्वास्थ्य निर्देशनालयले दिउँसो १ बजे जारी गरेको पछिल्लो अद्यावधिक तथ्यांक अनुसार पोखरा महानगरपालिकाका ९ वटा वडामा २९ जना संक्रमति थपिएका छन् ।
१, ५, ८,१०, १२, १३, १४,१६, २७ र ३० नं. वडामा २९ संक्रमित थपिएको निर्देशनालयका निर्देशक डा. विनोद विन्दु शर्माले जनाएका छन् ।
यसैगरी, तनहुँको व्यास नगरपालिकामा दुई जना संक्रमित थपिएका छन् ।
संक्रमित सबै व्यक्तिहरु कन्ट्याक्ट ट्रेसिङबाट पहिचान गरिएका हुन् ।
यससँगै प्रदेशमा संक्रमितको संख्या २ हजार ३०८ पुगेको छ ।
प्रतिक्रिया