नेपालगन्ज । बाँकेको भेरी अस्पतालले शुल्क लिएर पीसीआर विधिबाट कोरोना परीक्षण गर्ने अनुमति पाएसँगै अस्पतालले २२०० शुल्क लिएर कोरोना परीक्षण गरिदिने निर्णय गरेको छ ।
भेरी अस्पतालमा संचालनमा रहेको पीसीआर प्रयोगशालाले स्वास्थ्य तथा जनसंख्या मन्त्रालयबाट कोभिड(१९ राष्ट्रिय परीक्षण निर्देशिकाले तोकेको भन्दा ब्यक्तिगत प्रयोजनका लागि शुल्क तिरेर परीक्षण गराउने स्वीकृति पाएसँगै अस्पतालले शुल्क निर्धारण गरेको हो ।
भेरी अस्पताल विकास समितिको बिहीबार बसेको बैठकले स्वेच्छाले कोरोना परीक्षण गर्न आउने व्यक्तिका लागि दुई हजार दुई सय रुपैयाँ शुल्क लिएर परीक्षण गरिदिने निर्णय गरेको छ । ‘निर्देशिकाले तोकेभन्दा बाहेकका स्वेच्छाले कोरोना परीक्षण गराउन चाहने व्यक्तिबाट प्रति जाँच दुई हजार दुई सय मात्र लिने निर्णय गरिएको छ ।’बैठक पछि अस्पतालले जारी गरेको बिज्ञप्तिमा भनिएको छ ।
प्रतिक्रिया