रुपन्देहीमा होम आइसोलेसनमा रहेका थप १ जनाको कोरोना संक्रमणबाट मृत्यु

बुटवल । रुपन्देहीमा होम आइसोलेसनमा रहेका १ जना कोरोना संक्रमित पुरुषको आज मृत्यु भएको छ ।

स्वास्थ्य कार्यालय रुपन्देहीले जानकारी दिए अनुसार सिद्धार्थनगर नगरपालिका वार्ड नम्बर ८ का ४५ वर्षिय पुरुषको मृत्यु भएको हो । मृगौलाले काम नगरेपछि चितवनमा डाईगलोसीस गरेर फर्केका उनको बिहान ८ बजे मृत्यु भएको स्वास्थ्य कार्यालय रुपन्देहीका कोरोना फोकलपर्शन केदारनाथ साहले बताए ।

शुक्रबार मात्र रुपन्देहीमा २ जनाको कोरोना संक्रमणबाट मृत्यु भएको छ । आज बिहान बुटवल- ८ का ७८ बर्षिय पुरुषको कोरोना बिशेष अस्पतालमा मृत्यु भएको थियो । जिल्लामा मृत्यु हुनेको संख्या १३ पुगेको छ ।