विराटनगरका ७६ वर्षीय वृद्धको कोरोना संक्रमणबाट मृत्यु

विराटनगर । कोरोना संक्रमणबाट विराटनगरमा थप एक वृद्धको मृत्यु भएको छ ।

विराटनगरको कोशी अस्पताल कोभिड–१९ उपचार केन्द्रमा उपचाररत थप एक जना कोरोना संक्रमित वृद्धको सोमबार बिहान मृत्यु भएको हो ।

कोशी अस्पतालका मेडिकल सुपरिटेन्डेन डा.चुमनलाल दासका अनुसार विराटनगर महानगरपालिका–१० का ७६ वर्षीय वृद्धको बिहान ३ः१५ बजेतिर मृत्यु भएको हो ।

भदौ ११ गने संक्रमण पुष्टि भएका वृद्धलाई १० दिन ‘होम आइसोलेसन’मा राखेर उपचारका लागि शनिबार उपचार केन्द्रमा ल्याइएको थियो ।

मृतकमा उच्च रक्तचापको पुरानै समस्या रहेको दासले जानकारी दिए । कोरोना संक्रमण देखिएपछि ‘होम आइसोलेसन’मै रहे पनि श्वासप्रश्वासमा समस्या भएका कारण थप उपचारका लागि कोभिड उपचार केन्द्रमा ल्याइएको उनको भनाइ छ ।