पोखरा । कोरोना संक्रमणबाट पोखरामा थप एक जना महिलाको मृत्यु भएको छ ।
पोखरा महानगरपालिका वडा नं १० निवासी ७३ वर्षीया महिलाको कोरोना संक्रमणबाट मृत्यु भएको हो ।
गत भाद्र २२ गते कोरोना संक्रमण पुष्टि भइ प्रतिष्ठानको कोभिड (१९ उपचार केन्द्रको आइसीयु कक्षमा उपचाररत ती महिलाको मंगलबार दिउँसो ३स्५० बजेको समयमा उपचारको क्रममा मृत्यु भएको पोखरा स्वास्थ्य विज्ञान प्रतिष्ठानका निर्देशक डा। अर्जुन आचार्यले जानकारी दिए ।
उनी बिरामी भएपछि पोखराकै मेडिप्लस अस्पतालमा भर्ना भएकी थिइन् । उनलाई कोरोना संक्रमण भएको आशंकामा अस्पतालका चिकित्सकले स्वाब परीक्षण गर्न पठाएको थियो ।
कोरोना परीक्षण रिपोर्ट पोजेटिभ आएपछि उनलाई सोमबार पश्चिमाञ्चल क्षेत्रीय अस्पताल लगिएको पोखरा महानगरका स्वास्थ्य अधिकृत हरिलाल आचार्यले बताए ।
हालसम्म गण्डकी प्रदेशमा कोरोना संक्रमणबाट २१ जनाको मृत्यु भइसकेको छ । त्यसमध्ये कास्कीका ७ जनाको ज्यान गएको छ ।
प्रतिक्रिया