काठमाडौं र भक्तपुरका ३ जना कोरोना संक्रमितको मृत्यु

काठमाडौं । कोरोना भाइरसको संक्रमणबाट शनिबार बिहानैदेखि मृत्युका घटना सार्वजनिक भैरहेका छन् । पछिल्लो समाचार अनुसार ललितपुरका विभिन्न अस्पतालमा उपचाररत तीन जना कोरोना संक्रमितको मृत्यु भएको छ ।

पाटन अस्पतालमा दुई जना र मेघा अस्पतालमा एक जना संक्रमितको मृत्यु भएको स्वास्थ्य कार्यालय ललितपुरले जनाएको छ । मृत्युहुनेमध्ये दुई जना भक्तपुरका र एक जना काठमाडौंका रहेका छन् । जना भक्तपुरका र एक जना काठमाडौंका हुन् ।

भदौ १९ गतेदेखि उपचार गराइरहेका काठमाडौंका ५१ वर्षीय कोरोना संक्रमित पुरुषको शनिबार बिहान २ बजे पाटन अस्पतालमा मृत्यु भएको पाटन अस्पतालले जनाएको छ ।

पाटन अस्पतालमै भक्तपुरका ७२ वर्षीय पुरुषको गएराति ९ः४५ बजे मृत्यु भएको छ । उनी गत भदौ १७ गतेदेखि अस्पतालमा उपचाररत थिए ।

यस्तै, भक्तपुरका ३८ वर्षिय पुरुषको शनिबार बिहान ७ः४० बजे मेघा अस्पतालमा मृत्यु भएको ललितपुर स्वास्थ्य कार्यालयले पुष्टि गरेको छ । उनी हिजो मात्रै अस्पतालमा भर्ना भएका थिए ।