काठमाडौं । सरकारले पीसीआर परीक्षण शुल्क घटाएको छ ।
अब सरकारी र निजी सबै प्रयोगशालामा अधिकतमा दुई हजार रुपैयाँमात्र शुल्क निर्धारण गरिएको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले जानकारी दिएका छन् ।
पीसीआर परीक्षणका लागि आवश्यक रि–एजेन्ट र अन्य सामानको समेत बजार मूल्य घटेका कारण परीक्षण शुल्क घटाइएको गौतमले जानकारी दिए । तोकिएको शुल्क भन्दा बढी शुल्क लिन नपाउने पनि गौतमले स्पष्ट पारे ।
यसअघि सरकारले पीसीआर परीक्षण शुल्क ५ हजार ५ सय तोकेको थियो । त्यसपछि संशोधन गर्दै केही दिन अघि ४ हजार रुपैयाँ तोकिएको थियो ।
प्रतिक्रिया