काठमाडौं । कोरोना भाइरसको संक्रमणबाट मृत्युको दर पनि बढिरहेको छ । भाइरस संक्रमणबाट निको भएर घर फर्किने दर बढे पनि मृत्यु हुनेको संख्या घट्न नसक्दा खतराको घण्टी बजिरहेको छ ।
पछिल्लो २४ घण्टामा देशभरका विभिन्न अस्पताल एवं आइसोलेसनमा रहेका १० जना कोरना संक्रमितको मृत्यु भएको छ ।
५ जना महिला र १० पुरुषको मृत्यु भएको स्वास्थ्य तथा जनसंख्या मन्त्रालयले अद्यावधिक गरेको विवरणमा जनाइएको छ ।
मृतकमध्ये सबैभन्दा धेरै सोमबार पनि काठमाडौंमै थपिएका छन् । काठमाडौं जिल्लाका ६१ वर्षीया एक महिलासहित ५ जना पुरुषको मृत्यु भएको स्वास्थ्य तथा जनसंख्या मन्त्रालयले जनाएको छ ।
यसैगरी ललितपुरमा १ जना, भक्तपुरमा १ जना रामेछापमा १ जना पुरुषको को मृत्यु भएको छ ।
यस्तै, मोरङमा दुई जना पुरुषको मृत्यु भएको छ । गोरखा, नवलपरासी, पर्सा र कपिलवस्तुका एक एक जना महिलाको मृत्यु भएको मन्त्रालयले जनाएको छ ।
प्रतिक्रिया