काठमाडौं । सरकारले आन्तरिक हवाई उडान र लामो दुरीको यातायात असोज १ गतेबाटै खुला गर्ने भएको छ ।
सोमबार बसेको मन्त्रिपरिषद् बैठकले असोज १ गतेबाटै हवाई सेवा एवं लामो दूरीको यातायात संचालन गर्ने निर्णय गरेको हो ।
मन्त्रिपरिषद्का निर्णय सार्वजनिक गर्दै परराष्ट्रमन्त्री प्रदीप ज्ञवालीले स्वास्थ्य सुरक्षा मापदण्ड पालना उडान र यातायात सञ्चालन गर्न दिने निर्णय भएको बताए ।
मन्त्री ज्ञवालीले त्यसका लागि यातायात व्यवसायीले बसमा ५० प्रतिशत मात्र यात्रु राख्न पाउने तर ५० प्रतिशत थप भाडा लिन पाउने जनाए । बसको एक लहरको सिटमा एक जनालाई मात्र राख्न पाइनेछ ।
यसैगरी आन्तरिक हवाईं उडान सञ्चालन गर्दा विमानमा पनि सिट क्षमताको आधा मात्र यात्रु राख्नुपर्ने, यात्रुले मास्क र भाइजर लगाउनुपर्ने एवं सेनिटाइजर अनिवार्य प्रयोग गर्नुपर्ने मापदण्ड तोकिएको छ ।
यसैगरी सरकारले होटल र रेष्टुरेन्टहरु पनि असोज १ गतेबाट खुला गर्ने निर्णय गरेको छ ।
तर, संक्रमणको जोखिम बढेको अवस्था भने स्थानीय प्रशासनले आवश्यक निर्णय लिन सक्ने मन्त्री ज्ञवालीले स्पष्ट पारे ।
प्रतिक्रिया