काठमाडौं । माछापुच्छ्रे बैंकले गत आर्थिक वर्ष २०७६/७७ को खुद मुनाफाबाट चूक्ता पूँजीको १०.४ प्रतिशत लाभांश वितरण गर्ने भएको छ ।
बिहीबार बसेको बैंकको संचालक समितिको बैठकले लाभांश वितरण गर्ने प्रस्ताव गरेको हो ।
बैंकले गत आर्थिक वर्षमा १ अर्व २६ करोड ५१ लाख रुपैया खुद नाफा गरेर प्रति शेयर आम्दानी १४ रुपैया ९६ पैसा कायम गरेको थियो ।
चुक्ता पूँजी ८ अर्व ४५ करोड ८४ लाख रहको माछापुच्छ्रे बैंकको साधारण जगेडा कोषमा १ अर्व ७० करोड रुपैया संचित रहेको छ ।
स्थापना कालदेखि नै नयाँ नयाँ प्रविधिमा आधारित सेवा सुविधा ग्राहकमाझ ल्याउन कटिवद्ध रहेको माछापुच्छ्रे बैंकको नेपालभर १५९ वटा शाखा रहेका छन् ।
यस्तै, १३३ शाखारहित बैकिङ्ग सेवा र ५ एक्सटेन्सन काउण्टर समेत गरी जम्मा २९२ स्थानबाट बैंकले बैंकिङ्ग सेवा दिँदै आएको छ ।
बैंकले आफ्ना विभिन्न शाखाहरुबाट १९९ वटा एटीएमहरु तथा १ हजार भन्दा बढी पीओएस (POS Machine) बाट ग्राहकलाई बैकिङ्ग सुविधा प्रदान गर्दै आएको छ ।
प्रतिक्रिया