काठमाडौं । प्रधानमन्त्री केपी शर्मा ओलीले संविधान दिवस तथा राष्ट्रिय दिवस २०७७ का अवसरमा देशवासीका नाममा विशेष सम्बोधन गर्नेभएका छन् ।
प्रधानमन्त्री ओलीले दिवसका अवसरमा अहिले केही बेरमा बिहान ९ बजे सैनिक मञ्च टुँडिखेलमा हुने कार्यक्रमलाई सम्बोधन गर्ने कार्यक्रम तय भएको उनका प्रेस सल्लाहकार सूर्य थापाले जानकारी का छन् ।
सम्बोधनमार्फत उनले स्वदेश र विदेशमा रहेका नेपालीलाई शुभकामना दिने भएकाले विगतमा अघिल्लो दिन प्रधानमन्त्रीले लिखित शुभकामना दिने क्रमभन्दा पृथक रहने जनाइएको छ ।
यसवर्ष टुँडिखेलमा अघिल्ला वर्षहरुमाजस्तै मन्त्री, सांसद, कूटनीतिक नियोगका प्रतिनिधि, कर्मचारी, कलाकार लगायत कसैलाई पनि बोलाईएको छैन ।
कोरोना भाइरसको महामारकिा कारण सीमित संख्यामा संविधान दिवस मनाउन लागिएको हो । सरकारले आम सर्वसाधारणलाई घरमै राष्ट्रिय झण्डा फहराएर संविधान दिवस मनाउन आह्वा गरेको छ ।
प्रतिक्रिया