रुसमा बस्ने एक नेपालीले कोरोना भाइरस (कोभिड(१९) बिरुद्धको भ्याक्सिन लिएका छन्।
भ्याक्सिन लिनका लागि रुसी सरकारद्वारा अनलाइन लक्की ड्र मार्फत छनौटमा परेका डा. महेश श्रेष्ठले रुसी भ्याक्सिन लिएका हुन् ।
६१ वर्षीय डा. श्रेष्ठले शनिबार भ्याक्सिन लिएको गैर आवासीय नेपाली संघ (एनआरएनए) का उपाध्यक्ष बद्री केसीले जनाएका छन् ।
श्रेष्ठलाई कोरोना भ्याक्सिन दिनुअघि उनको सम्पूर्ण स्वास्थ्य परीक्षण गरिएको थियो।
रुसी सरकारले पहिलो चरणमा ३० हजार जनालाई भ्याक्सिन दिन लागेको हो । डा. श्रेष्ठ त्यही ग्रुपममा छानिएका हुन् ।
मध्येमा श्रेष्ठ छानिएका थिए । सल्यान जिल्लामा पुख्र्यौली घर भएका श्रेष्ठ हाल रुसको राजधानी मस्कोमा बसोबास गर्छन् ।
एनआरएन उपाध्यक्ष केसीले कोरोना भाइरसबिरुद्ध पहिलो भ्याक्सिन लिएकोकोमा खुःशी व्यक्त गर्दै श्रेष्ठको स्वास्थ्य अवस्था सामान्य रहेको जानकारी दिएका छन् ।
यसअघि नेपालका लागि रसियन राजदूत एलेक्सी नोभिकभले रुसले विकास गर्दै गरेको कोरोना भ्याक्सिन नेपाललाई दिन रुस तयार भएको बताएका थिए ।
रुसले निर्माण गर्दैगरेको स्पुतनिक–५ नामक भ्याक्सिनको तेस्रो चरणको क्लिनिकल ट्रायलका लागि नेपाललाई पनि छनौट गर्न चाहेको छ ।
एक महिना अघि रुसी राष्ट्रपति भ्लादिमिर पुटिनले स्पुतनिक ५ भ्याक्सिनले व्यवसायिक उत्पादनका लागि लाइसेन्स प्राप्त गरेको घोषणा गरेका थिए ।
पुटिनले आफ्नो देशले उत्पादन गरेको भ्याक्सिनले सबैप्रकारका मापदण्ड पुरा गरेको दाबी गर्दै आफ्नो छोरीले समेत यो भ्याक्सिन लिएको जनाएका थिए ।
कोरोना विरुद्धको भ्याक्सिन निर्माणमा हाल रुस, चीन, अमेरिका, बेलायत, भारत लगायतका देशहरु संलग्न रहेका छन् ।
यी देशहरुले अर्बौ डलर रकम भ्याक्सिन अनुसन्धानका लागि खर्च गरेका छन् । यद्यपी, अहिलेसम्म व्यवसायिक रुपमा कुनै पनि भ्याक्सिन निर्माण हुन सकेको छैन ।
प्रतिक्रिया