१५ चैत्र २०८०, बिहिबार | March 28, 2024

यती एयरले अन्तर्राष्ट्रिय क्षेत्रीय उडानको अनुमति लिँदै



काठमाडौं । यती एयरलाइन्सले अन्तर्राष्ट्रिय क्षेत्रीय उडानका लागि मन्त्रालयसँग अनुमति मागेको छ ।

यती एयरले भारतीय बजारमा उडान भर्ने योजनासहित संस्कृति, पर्यटन तथा नागरिक उड्डयन मन्त्रालयमा अनुमतिका लागि निवेदन दिएको हो ।

कम्पनीका प्रमुख कार्यकारी अधिकृत अनुज रिमालका अनुसार ०५५ देखि यात्रुलाई सेवा दिँदै आएको यती एयरलाइन्ससँग हाल ७२ सिट क्षमताका ५ एटिआर, ३० सिट क्षमताका ५ जेटस्ट्रिम र भगिनी संस्था तारा एयरसँग ४ वटा ट्वीनवटर विमान गरी १४ विमान सञ्चालनमा छन् ।

‘दुई दशक लामो आन्तरिक उडानपछि भारतका केही क्षेत्रीय बजारमा जान सक्ने गरी कम्पनीले अन्तर्राष्ट्रिय अनुमतिका लागि मन्त्रालयमा अनुमति माग गरेको छ । अबको केही समयमै अनुमति लिएर अन्तर्राष्ट्रिय उडानमा आफ्नो उपस्थिति जनाउने योजना छ’, उनले भने ।

यती एयरले हाल पोखरा, विराटनगर, नेपालगन्ज, भरतपुर, जनकपुर, भद्रपुर, भैरहवा, तुम्लिङटारका साथै काठमाडौं र पोखराबाट पर्वतीय उडान तथा तारा एयरले लुक्ला, फाप्लु, जोमसोम, हुम्ला, जुम्ला, रारा, डोल्पा, बाजुरालगायतमा सेवा प्रदान गर्दै आएको उनले जानकारी दिए ।

यती एयरलाइन्सले नेपालगञ्ज र पोखरामा समेत स्थायी विमान राखी नियमित तथा चार्टर उडानमार्फत दुर्गम क्षेत्रको विकासमा योगदान दिँदै आएको सिईओ रिमालको दाबी छ । यसैबीच कम्पनीले आफ्नो २२ औं स्थापना दिवस अवसरमा आन्तरिक पर्यटन प्रवद्र्धन गर्न देशका विभिन्न भागका लागि प्याकेज घोषणा गरेको छ ।

पर्यटन उद्योगलाई बचाउन तथा आन्तरिक पर्यटनलाई चलायमान बनाउन ‘आन्तरिक पर्यटनका लागि सँगसँगै’ नारा अगाडि सारेको कम्पनीले होटल, ट्राभल्स, ट्रेकिङ कम्पनीहरुको सहकार्यमा सहुलियत दरमा भ्रमण प्याकेजसमेत अगाडि सारेको सिईओ रिमालले जानकारी दिए । उक्त समाचार आजको आर्थिक अभियानमा छापिएको छ ।

प्रकाशित मिति : ६ आश्विन २०७७, मंगलबार  ७ : ०७ बजे

लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु

बुटवल । प्रसुती सेवालाई बिस्तार गर्दै लगेको लुम्बिनी प्रादेशिक अस्पताल

नेपाली राष्ट्रिय क्रिकेट टिमको बिदाई

काठमाडौं । भारतमा हुने बरोडा र गुजरातसँगको फ्रेन्डसिप सिरिज तथा

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार

गगन थापाको टिप्पणी- ‘बा र भगवान प्रश्नभन्दा माथि !’

काठमाडौँ ।  नेपाली कांग्रेसका महामन्त्री गगन थापाले बा र भगवानलाई