बर्दियाको बारबर्दिया नगरपालिका वडा नं. ३ का वडाअध्यक्षको कोरोना संक्रमणबाट मृत्यु

नेपालगन्ज । नेपालगन्जस्थित भेरी अस्पतालमा फेरि अर्का एक जना कोरोना संक्रमितको मृत्यु भएको छ ।

बर्दियाको बारबर्दिया नगरपालिका वडा नं. ३ निवासी ३९ वर्षीय पुरुषको उपचारकै क्रममा मृत्यु भएको भेरी अस्पतालले जनाएको छ । स्वास्थ्य कार्यालय बर्दियाका अनुसार मृतक वडा नं. ३ का वडा अध्यक्ष रहेको अस्पताल जारी गरेको प्रेस नोटमा जनाइएको छ ।

गत भदौ २९ गते भेरी अस्पतालमा भर्ना भएका ती पुरुषको कोरोना परीक्षण गर्दा ३० गते पोजेटिभ देखिएको थियो । तर, २८ गते उनको पीसीआर जाँचको लागि स्वाब राप्ती स्वास्थ्य विज्ञान प्रतिष्ठानको प्रयोगशालामा परीक्षण गर्दा नेगेटिभ देखिएको थियो । त्यसपछि, घरमै रहेका उनी स्वास्थ्यमा समस्या बढेपछि २९ गते भेरी अस्पतालमा भर्ना हुन आएको अस्पतालको प्रेस नोटमा जनाइएको छ ।

ती पुरुषलाई कोरोना संक्रमण पुष्टि भएसँगै रेमडेसिभिर, सीएएपी दिइएको पनि अस्पतालले जनाएको छ । तर, स्वास्थ्य अवस्थामा कुनै सुधार नआएपछि ४ गतेबाट भेन्टिलेटरमा राखेर उपचार गरिरहेकै अवस्थामा आज बिहान १०ः३० बजे उनको मृत्यु भएको अस्पतालले पनि अस्पतालले जनाएको छ ।

यससँगै बाँकेमा बाहिरी जिल्लाबाट उपचारको क्रममा आई मुत्यु हुनेको संख्या ५ पुगेको छ । बाँकेका प्रमुख जिल्ला अधिकारीको समन्वयमा बर्दिया जिल्लाका प्रमुख जिल्ला अधिकारी र स्थानीय तहसँग शव व्यवस्थापनका लागि समन्वय भैरहेको अस्पतालले उल्लेख गरेको छ ।