काठमाडौं । देशभर कोरोना भाइरसका संक्रमित दिनदिनै बढिरहेका छन् ।
स्वास्थ्य तथा जनसंख्या मन्त्रालयले २५ हजार सक्रिय संक्रमित पुगे पुनः लकडाउन लगाउन सरकारलाई सिफारिस गरिसकेको छ । तर, सक्रिय संक्रमितको संख्या झन बढेको छ ।
संक्रमितहरु सबैभन्दा धेरै काठमाडौं उपत्यकामा नै बढिरहेका छन् । पछिल्लो २४ घण्टामा घना वस्ती भएका काठमाडौं र चितवनमा संक्रमितहरु बढेको स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले जनाएका छन् ।
मन्त्रालयले बिहीबार अपरान्ह अपडेट गरेको कोरोना तथ्यांक अनुसार काठमाडौं उपत्यकामा ७५५ जनामा संक्रमण पुष्टि भएको छ ।
काठमाडौं जिल्लामा ६०५, ललितपुरमा ९५ र भक्तपुरमा ५१ जना संक्रमित थपिएका छन् । यसैगरी चितवनमा १३७ जना संक्रमित थपिएका छन् । २४ घण्टामा काठमाडौं उपत्यकाको संक्रमण देशभरका कुल संक्रमितको ५० प्रशितत भन्दा पनि बढी रहेको छ ।
प्रतिक्रिया