१३ बैशाख २०८१, बिहिबार | April 25, 2024

कोरोनाले रोकिएका विदेशी प्राविधिक आउन थाले



काठमाडौं । निर्माणाधीन ठूला पूर्वाधार आयोजनाहरूका लागि आवश्यक पर्ने विदेशी प्राविधिक तथा अन्य कर्मचारी नेपाल आउन थालेका छन् ।

सरकारले असोज १ गतेदेखि निर्माणाधीन आयोजनाका लागि आवश्यक विदेशी जनशक्ति ल्याउन औपचारिक रूपमै खुला गरेसँगै कोरोनाका कारण विदेशमै रोकिएका उनीहरू काममा फर्किन थालेका हुन् ।

राष्ट्रिय गौरवका आयोजनाहरू काठमाडौं तराई द्रुतमार्ग, गौतम बुद्ध अन्तरराष्ट्रिय विमानस्थलदेखि सुरुङमार्ग निर्माणका लागि विदेशी जनशक्ति नेपाल आउने क्रम शुरू भएको हो । अन्य आयोजनाका विदेशी कम्पनी तथा परामर्शदाताहरूले पनि आफ्ना कर्मचारीहरू ल्याउन थालेका छन् ।

सरकारको निर्णयपछि नेपाली सेनाको व्यवस्थापनमा बन्दै गरेको दु्रतमार्गका लागि कोरियाबाट २ जना सर्वेक्षक आएका छन् । उक्त आयोजनाले कन्स्ट्रक्शन सुपरभिजन र प्रोजेक्ट डिजाइनका लागि कोरियन कम्पनी छनोट गरेपछि २ जना पहिलादेखि नै कार्यरत थिए ।

नेपाली सेनाका प्रवक्ता सन्तोषवल्लभ पौडेलले थप जनशक्ति आएसँगै सुरुङमार्ग, पुल, सडकको रेखांकनलगायतको अध्ययनले तीव्रता लिने जानकारी दिए । उनका अनुसार परामर्शदाता कम्पनीले आवश्यकताअनुसार थप कर्मचारी ल्याउन सरकारी निर्णयले सहज बनाएको छ । गौतम बुद्ध अन्तरराष्ट्रिय विमानस्थल आयोजनाले पनि ५५ जना चिनियाँ प्राविधिक तथा कर्मचारीहरू ल्याउने प्रक्रिया अघि बढाएको छ ।

आयोजना प्रमुख प्रवेश अधिकारीले हाल २५ आयोजना स्थलमा कार्यरत रहेको भन्दै धावनमार्ग (रनवे) मा बत्ती जडान गर्ने, सेन्टर एसी जडान, ट्याक्सी वे तथा टर्मिनल भवनभित्रको कामका लागि ३५ जना प्राविधिकहरू ल्याउने तयारी गरिएको बताए ।

उक्त समाचार आजको आर्थिक अभियानमा छापिएको छ ।

प्रकाशित मिति : ११ आश्विन २०७७, आइतबार  ६ : २४ बजे

डढेलोले खोटाङमा तेह्र घर खरानी

खोटाङ । सामुदायिक वनमा लागेको डढेलो गाउँसम्म फैलदा बराहपोखरी गाउँपालिका–१

बुटवलका मासु व्यवसायी बधशालाको मासु बेच्न अनिच्छुक

बुटवल । मानव बस्तीको चहलपहल भइरहनेस्थलमै पशुपन्छी बध गरेर प्रदुषित

नेपाल-चीन सहायता परियोजनाको पहिलो बैठक सम्पन्न

काठमाडौं । नेपाललाई चीनको स्वशासित क्षेत्र तिब्बतबाट आगामी दुई वर्षका

सरकारको स्थायित्वबारे चलाइएका हल्ला निराधार : बिष्णु पौडेल

काठमाडौं । प्रमुख सत्ता घटक एमाले उपाध्यक्ष एवं पूर्वअर्थमन्त्री बिष्णु

कर्णालीका मुख्यमन्त्री कँडेलले आज विश्वासको मत लिदै

सुर्खेत । कर्णाली प्रदेशका मुख्यमन्त्री यामलाल कँडेलले आज विश्वासको मत