रौतहट । रौतहटमा बाघको आक्रमणबाट दुई जना घाईते भएकाछन् ।
रौतहटको चन्द्रपुर नगरपालिका वार्ड नं ६ का दुई जनालाई रंगपुर साझेदारी वन क्षेत्रमा बाघले आक्रमण गरेको हो ।
चन्द्रपुर ६ का २७ वर्षीय संगम भण्डारी दिउँसो घाँस लिन जंगल गएको र अबेरसम्म फर्केर नआएपछि भण्डारीलाई खोज्न मंगलबार साँझ ७ बजेतिर जंगल गएका गाउँलेहरुलाई बाघले आक्रमण गरेको थियो ।
बाघको आक्रमणमा परेर चन्द्रपुर ६ का ३० बर्षका अशोक थापा र ३४ बर्षका प्रबिण श्रेष्ठ घाईते भएका छन् । उनीहरुको चन्द्रपुर अस्पतालमा उपचार भइरहेको इलाका प्रहरी कार्यालय चन्द्रनिगाहपुरका डिएसपी हेमबहादुर शाहीले जानकारी दिएकाछन् ।
घाँस लिन गएका भण्डारीको खोजीका लागि बुधबार बिहानैबाट नेपाल प्रहरीले र सशस्त्र प्रहरी परिचालन भएको डिएसपी शाहीले जानकारी दिएकाछन् ।
प्रतिक्रिया