स्पेनिस ला लिगा : घरेलु मैदानमा रियल मड्रिडको संघर्षपूर्ण जित

एजेन्सी । गएराति भएको स्पेनिस ला लिगा फुटबल अन्तर्गतको खेलमा रियल मड्रिडले रियल भालाडोलिडमाथि १-० को जित दर्ता गरेको छ ।

घरेलु मैदानमा भएको लिग चरणको तेस्रो खेलमा रियलले भालाडोलिडमाथि संघर्षपूर्ण जित दर्ता गरेको हो ।

पहिलो हाफ गोलरहित बराबरीमा टुंगिएको खेलको ६५ मिनेटमा रियलका लागि विनियिस जुनियरले गोल गरेका हुन् । उनको गोल नै खेलमा निर्णायक बन्यो ।

अतिरिक्त खेलाडीको रुपमा मैदान छिरेका जुनियरले घरेलु मैदानमा रियलको साख जोगाएका हुन् । रियल साविक विजेता हो ।

यो जितसँगै रियल मड्रिडले सात अंक जोडेको छ । त्यसैगरी बुधबार राति भएको अर्को खेलमा भिल्लारियलले एलाभेसलाई ३–१ ले पराजित गरेको छ ।

सँगै गएरातिकै खेलमा एल्चेले एइबरलाई १-० ले हराएको छ भने एथ्लेटिको मड्रिड र हुयस्काले गोलरहित बराबरी खेलेका छन्