६ जेष्ठ २०८१, आइतबार | May 19, 2024

आईपीएल २०२० : दिल्लीलाई पाँच विकेटले पराजित गर्दै मुम्बइ पुनः शीर्ष स्थानमा उक्लियो



काठमाडौं । १३ औँ संस्करणको इन्डियन प्रिमियर लिग (आईपीएल) २०२० अन्तर्गत मुम्बइ इन्डियन्स विजयी भएको छ । आइतबार राति सम्पन्न खेलमा मुम्बइले दिल्ली क्यापिटल्सलाई ५ विकेटले पराजित गरेको हो ।

१ सय ६३ रनको लक्ष्य पाएको मुम्बइले दुई बल बाँकी रहँदा पुरा गर्दै ५ विकेटको जित हात पारेको हो । मुम्बइको जितमा क्वुइन्टन डि कोक र सूर्यकुमार यादवले समान ५३-५३ रनको पारी खेले । कप्तान रोहित शर्मा १२ बलमा ५ रन बनाउँदै अक्षर पटेको बलमा आउट भएका थिए ।

यस्तै इशान किसनले २८ तथा किरोन पोलार्ड र क्रुनाल पाण्ड्याले नटआउट ११ र १२ रनको योगदान दिए । दिल्लीका कागिसो रबडाले दुई तथा अक्ष्र पटेल, रविचन्द्रन आश्विन र मर्कूस स्टोइनिसले समान १-१ विकेट लिए ।

अबुधाबीस्थित, शेख जायद स्टेडियममा टस जितेर पहिले ब्याटिङमा उत्रिएको दिल्लीले निर्धारित २० ओभरमा १ सय ६२ रन बनाएको थियो ।

पहिलो ओभरमा ओपनर पृथ्वी शाँलाई गुमाएको दिल्लीका लागि अर्का ओपनर शिखर धवनले नटआउट ६९ रनको पारी खेल्दै सम्मानजनक योगफल बनाएको थियो । उनले ५२ बलमा १ छक्का र ६ चौकाको मद्धतमा उक्त रन बनाएका थिए । यस्तै, कप्तान श्रेयास आयरले ४२ रन जोडे ।

यसैगरी, दिल्लीका लागि पहिलो खेल खेलेका अजिङ्क्य रहानेले १५, एलेक्स क्यारीले नटआउट १४ तथा मर्कूस स्टोइनिसले १३ रन बनाए ।

मुम्बइका क्रुनाल पाण्ड्याले २ तथा ट्रेन्ट बोल्टले १ विकेट लिए । दिल्लीमाथिको जितसँगै मुम्बइ पुनः अंक तालिकाको शीर्ष स्थानमा उक्लिएको छ । दिल्ली र मुम्बइले समान सात खेलबाट पाँच खेलमा जित र दुई खेलमा हारसहित १० अंक जोडेको छ ।

रनरेटको आधारमा अघि रहँदै मुम्बए पहिलो स्थानमा रहेको छ भने दिल्ली दोस्रो, कोलकात्ता ८ अंक जोड्दै तेस्रो स्थानमा रहेको छ । यसैगरी, बेङ्गलोर, हैदराबाद, राजस्थान, चेन्नइ र पञ्जाव क्रमशः चौथो, पाँचौँ, छैटौँ, सातौँ र आठौँ स्थानमा रहेका छन् ।

प्रकाशित मिति : २६ आश्विन २०७७, सोमबार  ६ : ११ बजे

गोर्खा मिडियाको सहकारीबाट ऋण लिने प्रक्रियामा म संलग्न छैन- गृहमन्त्री लामिछाने

काठमाडौं । उपप्रधान तथा गृहमन्त्री रवि लामिछानेले कांग्रेसको गनगनले मात्र

बुटवलमा भोलिदेखि लुम्बिनी प्रदेश स्तरीय दोहोरी खेल प्रतियोगिता सुरु

बुटवल । लोक दोहोरी गीत प्रबद्र्धन गर्ने उद्देश्य सहित भोलिदेखि

जसपा छाडेका सांसदलाई विश्वासको मत दिनबाट रोक्न उपेन्द्र पुगे सर्वोच्च

काठमाडौं । जनता समाजवादी पार्टी, नेपालका अध्यक्ष उपेन्द्र यादव प्रधानमन्त्री

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन