१ असार २०८१, शुक्रबार | June 14, 2024

आईपीएल २०२० : २० रनले हैदराबादलाई हराउँदै चेन्नइ छैटाैँ स्थानमा उक्लियाे



काठमाडौं । १३ औँ संस्करणको इन्डियन प्रिमियर लिग (आईपीएल) २०२० अन्तर्गत चेन्नइ सुपर किङ्स विजयी भएको छ । मंगलबार सम्पन्न खेलमा सनराइजर्स हैदराबादलाई २० रनले पराजित गरेको हो ।

१ सय ६८ रनको लक्ष्य पच्छाएको हैदराबादले १ सय ४७ रन मात्र बनाउन सक्यो । पावप्लेमा कप्तान डेविड वार्नरलाई टोलीको स्कोर २३ रन हुँदा गुमाएको थियो । वर्नर साम कुरानको बल खेल्ने क्रममा व्यक्तिगत ९ रनमा क्याच एन्ड बोल्ड भए ।

यस्तैगरी, तेस्रो क्रममा ब्याटिङमा आएका मनिष पाण्डे सोही ओभरमा रन लिने क्रममा ड्वाने ब्राबोद्वारा रनआउट भए । यस्तै, हैदराबादका केन विलिम्सनले सर्वाधिक ५७ रनको पारी खेले । उनले ३९ बलमा ७ चौकाको मद्धतमा ५७ रन जोडेका थिए ।

यसैगरी, प्रियम गार्ग १६, विजय शंकरले १२ तथा राशिद खानले १४ रनको पारी खेलेपनि टोलीलाई हारबाट बचाउन सकेन । हैदराबादलाई अन्तिम ओभरमा जितका लागि २२ रनको आवश्यकता परेको थियो । चेन्नइका कप्तान धोनीले बलिङका लागि ड्वेन ब्राबोलाई बल थमाए । अन्तिम ओभरमा हैदराबादले मात्र १ रन जोड्दा शाहबाज नदीमलाई विकेटको रूपमा गुमायो ।

चेन्नइका कर्ण शर्मा र ड्वेन ब्राबोले २(२, शार्दूल ठाकुर, साम कुरान र रविन्द्र जडेजाले समान एक/एक विकेट लिए । यसअघि, दुबइ अन्तर्राष्ट्रिय क्रिकेट स्टेडियममा टस जितेर ब्याटिङमा उत्रिएको चेन्नइले निर्धारित २० ओभरमा १ सय ६७ रन बनाएको थियो ।

चेन्नइको सुरुवात भने खराब रह्यो । चेन्नइका ओपनर फाफ डु प्लेसिस सन्दीप शर्माको बलमा शून्य रनमा आउट भए । यस्तै, दोस्रो विकेटका लागि २५ रनको साझेदारी गरेका साम कुरान सन्दीप शर्माकै बलमा बोल्ड आउट भए ।

तेस्रो विकेटका लागि सेन वाट्सन र आम्बाती रायुडुले ८१ रनको अर्धशतकीय साझेदारी गरे । आउट हुनअघि वाट्सनले ४२ तथा रायुडुले ४१ रन बनाए । यस्तै, महेन्द्र सिंह धोनीले २१ तथा रविन्द्र जडेजाले नटआउट २५ रनको योगदान दिए । हैदराबादका सन्दीप शर्मा, टी नटराजन र खलिल अहमदले समान २/२ विकेट लिए ।

जितसँगै चेन्नइ ८ खेलमा तीनमा जित र पाँचमा हारसहित ६ अंक जोड्दै तालिकाको छैटौँ स्थानमा उक्लिएको छ भने पराजित हैदराबाद पाँचौ स्थानमा यथावत रहेको छ । अंक तालिकाको शीर्ष स्थानमा मुम्बइ इन्डियन्स समान १० अंक भएपनि रनरेटका आधारमा पहिलो स्थानमा रहेको छ ।

यस्तै, दिल्ली क्यापिटल्स दोस्रो, रोयल च्यालेञ्जर्स बेङ्गलोर तेस्रो र कोलकात्ता नाइट राइडर्स चौथो स्थानमा रहेको छ । यसैगरी, राजस्थान रोयल्स सातौँ र किङ्स इलावेन पञ्जाव पुछारमा रहेको छ ।

प्रकाशित मिति : २८ आश्विन २०७७, बुधबार  ६ : ३३ बजे

बुटवलमा दृष्टीबिहिनका लागि १५ दिने ब्रेल लिपी सिप विकास तालिम

बुटवल । बुटवलमा दृष्टी बिहिनहरुका लागि ब्रेली लिपी (गोपेर लेख्ने

जीवनस्तर सर्वेक्षण प्रतिवेदन सार्वजनिक, २० दशमलव २७ प्रतिशत जनसङ्ख्या अझै गरिबीको रेखामुनि

काठमाडौं । नेपाल जीवनस्तर सर्वेक्षण चौथो २०७९/८० को विस्तृत प्रतिवेदन

जिल्ला न्यायाधीशको आवश्यकता- ४३, लिखित परीक्षामा उत्तीर्ण जम्मा आठ जना

काठमाडौं । न्याय सेवा आयोगले जिल्ला न्यायाधीशका लागि लिएको लिखित

माटोको ढिस्कोले पुरिएर दुईको मृत्यु, एक बेपत्ता

नवलपुर । नवलपरासी (बर्दघाट सुस्तापूर्व) कावासोतीमा नाला निर्माणका लागि खाल्डो

लुम्बिनी प्रादेशिक अस्पतालमा असार १ गतेदेखि अनलाइन टिकट सेवा

बुटवल । लुम्बिनी प्रादेशिक अस्पताल बुटवलमा ओपीडी सेवाका लागि अनलाइन