काठमाडौं । नेपाली चलचित्रका सदाबहार चर्चित नायक राजेश हमाल अभिनित ‘जुनमा हेरुँ तिमी’लाई नामक म्युजिक भिडियो सार्वजनिक भएको छ ।
गायक इन्द्रजित मिजारको स्वरमा रहेको ‘जुनमा हेरूँ तिमीलाई’ को शब्द गोपाल लोहारको रहेको छ । लोहार नेपाली मुलका भुटानी नागरिक हुन, जो अहिले अमेरिकामा बसेर आफ्नो संगीत यात्रा अघि बढाइरहेका छन् ।
वरिष्ठ संगीतकार सुरेश अधिकारीको संगीत रहेको गीतको संगीत संयोजन चन्द सिंहले गरेका छन् ।
गायक इन्द्रजित मिजारले यसअघि अब यो बाटो मेरो हो बोलको गीत २७ वर्ष अघि गाएका थिए । देउता चलचित्रको सो गीतमा अभिनय पनि फिल्मका नायक राजेश हमालले नै गरेका थिए ।
प्रतिक्रिया