काठमाडौं । हाल वंगालदेश आसपासको क्षेत्रमा न्युन चापीय क्षेत्र रहेको छ । हाल प्रदेश न १, प्रदेश न २ र बागमती प्रदेशको मौसममा आंशिक बदली रहेको जल तथा मौसम विज्ञान विभागले जनाएको छ ।
आज दिउँसो प्रदेश १ को मौसममा आंशिकदेखि सामान्य बदली हुनेछ । त्यस्तै प्रदेश २, बागमती र गण्डकी प्रदेशको मौसममा आंशिक बदली रहनेछ । अन्य भू-भागहरुको मौसम सामान्यतया सफा रहनेछ ।
प्रदेश १ र गण्डकी प्रदेशका एक, दुई स्थानहरुमा हल्का वर्षाको सम्भावना रहेको विभागले जनाएको छ ।
त्यसैगरी आज राती प्रदेश १ को मौसममा सामान्य बदली हुनेछ । त्यस्तै बागमती प्रदेश र गण्डकी प्रदेशमा आंशिक बदली रहने छ ।
अन्य भू-भागमा मौसम सामान्यतया सफा रहनेछ । प्रदेश १ का एक, दुई स्थानहरुमा हल्का वर्षाको सम्भावना रहेको जल तथा मौसम विज्ञान विभागले जनाएको छ।
प्रतिक्रिया