डडेल्धुरा । कैलालीमा जीप दुर्घटना हुँदा एक जनाको मृत्युु भएको छ ।
जिल्लाको मोहन्याल गाउँपालिकामा-४ मा जीप दुर्घटना हुँदा मोहन्याल गाउँपालिका-२ का ६० वर्षीय कविराज भण्डारीको मृत्यु भएको हो ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टका अनुसार दुर्घटनामा परी १४ जना घाइते भएका छन् । तीमध्ये एक जनाको अवस्था गम्भीर छ ।
गम्भीर घाइते भएका घोडाघोडी नगरपालिका-८ का ६० वर्षीय खडक रावललाई नेपालगञ्ज रेफर गरिएको छ।
आइतबार दिउँसो मोहन्याल गाउँपालिका-४ को बाजपानिमा सु प प्र ०१००१ च २६२३ नम्बरको जीप दुर्घटनामा परेको हो । घाइतेको घोडाघोडी अस्पतालमा उपचार भइरहेको छ ।
ब्रेक फेल हुँदा जीप दुर्घटना भएको प्रहरीकोे अनुमान छ ।
प्रतिक्रिया