काठमाडौं । राष्ट्रिय प्रजातन्त्र पार्टी (राप्रपा)ले प्रतिनिधिसभाको समानुपातिकतर्फका चार जना सांसदको नाम सिफारिस गरेको छ।
आइतबार बसेको पार्टीको केन्द्रीय कार्यसम्पादन समिति बैठकले समानुपातिकतर्फ चार जनाको नाम चयन गरेको हो । निर्वाचनमा राप्रपाले समानुपातिकमा चार सिट हात पारेको थियो भने प्रत्यक्षमा एक सिट मात्र जितेको थियो ।
पार्टीका प्रवक्ता मोहन श्रेष्ठका अनुसार खसआर्य पुरुषतर्फ महोत्तरीका भरत गिरी, मुस्लिम पुरुषतर्फ रुपन्देहीका ताहिर अली, खसआर्य महिलातर्फ झापाकी खुस्बु ओली र जनजाति महिलातर्फ धादिङकी सरस्वती लामाको नाम सिफारिस गरिएको छ। पार्टीले उक्त नामावली निर्वाचन आयोगमा पठाइसकेको प्रवक्ता श्रेष्ठले जानकारी दिए ।
प्रतिक्रिया