नेपालगन्ज । उपचारका क्रममा लमही-८ का ६४ वर्षीय पुरुषको मृत्यु भएको २४ घण्टा नबित्दै बाँकेमा दाङको तुलसीपुरकाट उपचारका लागि बाँके पुगेकी २० वर्षीया कोरोना संक्रमित महिलाको क्रममा आज दिउँसो ३:२० बजे मृत्यु भएको छ । ।
स्वास्थ्यमा समस्या देखिएपछि नेपालगन्ज मेडिकल कलेज कोहलपुर भर्ना भएकी ती महिलामा १८ गते नै कोरोना संक्रमण पुष्टि भएको थियो । तुलसीपुर-१० दाङकी ती महिलालाई उपचारका क्रममा अक्सिजन, एसन्टवायोटिक लगायतको उपचार बिधि अपनाइृएपनि बचाउन नसकिएको बाँके कोभिड १९ बिपद ब्यवस्थापन केन्द्रका कोरोना फोकलपर्शन नरेश श्रेष्ठले बताए ।
कार्तिक १६ गते प्रसुती सेवाको लागि अस्पताल भर्ना भएर १७ गते डेलिभरी भएको , डेलिभरी पश्चात स्वास्थ्यमा समस्या देखिएपछि श्वाव संकलन गरी परीक्षण गर्दा उनमा कार्तिक १८ गते कोभिड १९ पोजिटिभ पुष्टी भएको थियो ।
आज मृत्यु भएसँगै बाँकेमा अन्य जिल्लाबाट उपचारका क्रममा बाँके पुगेर मृत्यु हुनेको संख्या २५ पुगेको छ । बिहिबार राती ९ बजे पनि दाङ लमहीका एकजना पुरुषको कोरोना संक्रमणबाट मृत्यु भएको थियो ।
प्रतिक्रिया