११ जेष्ठ २०८१, शुक्रबार | May 24, 2024

दुर्घटना न्यूनीकरण गर्न  ट्राफिक प्रहरीकाे चालकसँग एक मिनेट



कावासाेती । दुर्घटना न्यूनीकरणका लागि ‘चालकसँग एक मिनेट’ कार्यक्रम सुरु  गरिएको छ ।

नवलपरासी पूर्वमा पर्ने पूर्व-पश्चिम राजमार्गको नारायणघाट – दाउन्ने खण्ड तथा शहरी क्षेत्र केन्द्रित गरी यो कार्यक्रम सुरु गरिएको हो ।

राजमार्गमा हुने सवारी दुर्घटना न्यूनीकरणका लागि कार्यक्रम सुरु गरिएको जिल्ला ट्राफिक प्रहरी कार्यालय नवलपरासी पूर्व प्रमुख मुनेन्द्र थापाले बताए ।

गण्डकी प्रदेशभरी नै यो कार्यक्रम आइतबारबाट एकैसाथ सुरु गरिएको प्रमुख थापाले जनाए ।

थापाका अनुसार गण्डकी प्रदेशका ११ वटै जिल्लामा कार्यक्रम सुरु गरिएको र पहिलो चरणमा एक महिनासम्म कार्यक्रम सञ्चालन गरिनेछ ।

‘चालकसँग एक मिनेट ’कार्यक्रम अन्तर्गत सवारी साधनलाई रोकेर सम्मानपूर्वक नमस्कार गरी सवारी नियमको पालनाको बारेमा जानकारी गराइने उनले जनाए ।

‘पहिला प्रहरी र चालकबीचको सम्बन्ध सुधार गर्ने, त्यसका लागि सम्मानपूर्वक नमस्कारबाट सुरु गरी नियमहरुको बारेमा जानकारी प्रदान गरिनेछ’, जिल्ला ट्राफिक प्रहरी कार्यालय प्रमुख थापाले भने, ‘अन्त्यमा पनि नमस्कार गरी बिदा गरिनेछ ।’

एक मिनेटमा सवारी साधन चलाउदा अनिवार्य रुपमा सिटबेल्ट लगाउन, मोटरसाइक, स्कुटर चलाउँदा अनिवार्य हेल्मेट प्रयोग गर्न, हेल्मेटको फित्ता  लगाउन आग्रह गरिएकाे छ उनले भने ।

जाँडरक्सी सेवन गरेर साधन नचलाउन र तीब्र गतिमा सवारी साधन नचलाउन आग्रह गरिने उनले बताए ।

अहिले कोभिडको महामारीका कारण कम चलेका सवारी साधान क्रमश: धेरै चल्न थालेकाले यस समयमा सवारी दुर्घटनाको जोखिम समेत धेरै हुन सक्ने भएकाले अभियानको थालनी गरिएको र

चालकसँग एक मिनेट कार्यक्रमको क्रममा कोभिड १९ बाट बच्नको लागि अनिवार्य मास्क लगाउन , भौतिक दूरी कायम गर्न समेत आग्रह गरिएकाे उनले बताए ।

‘अहिले कोभिडको जोखिम छ, हामीले बसका चालकसहित यात्रुलाई समेत अनिवार्य मास्क लगाउन समेत अनुरोध गर्ने गरेका छौँ’ प्रमुख थापाले भने।

नवलपुरमा ट्राफिक प्रहरी कार्यालय नवलपुर मार्फत जिल्लाका चार ठाउँमा यो कार्यक्रम सञ्चालन हुनेछ ।

प्रकाशित मिति : २३ कार्तिक २०७७, आइतबार  ६ : ०१ बजे

बालेनले सरकारलाई सम्झाए – कि आफै काम गर्नु हैन भने हामीलाई दिनु

काठमाडौँ । काठमाडौँ महानगरपालिकाका प्रमुख बालेन शाहले सङ्घीय सरकारले घोषणा

सहकारी प्रकरण : कानून मन्त्रालयमा कार्यदलको बैठक

काठमाडौं । सहकारी ठगि प्रकरणको छानबिन गर्न गठन गर्ने भनिएको

राष्ट्रिय कराते प्रतियोगिताको उपाधि खेलकुद प्रतिष्ठानलाई

खोटाङ । दिक्तेलमा बिहीबार सम्पन्न राष्ट्रिय कराते प्रतियोगिताको उपाधि नेपाल

राष्ट्रपति र प्रधानमन्त्रीबीच भेटवार्ता, संसदको गतिरोध हटाउने विषयमा छलफल

काठमाडौं। राष्ट्रपति रामचन्द्र पौडेल र प्रधानमन्त्री पुष्पकमल दाहाल ‘प्रचण्ड’बीच भेटवार्ता

हावाहुरी रोकिएको ५ दिन पुग्दापनि बाँकेमा विद्युत पूर्ण सुचारु हुन सकेन

नेपालगन्ज । भिषण हावाहुरी र वर्षाका कारण अवरुद्ध भएको विद्युत