बीमा भुक्तानीका लागि पीसीआरको नक्कली पोजिटीभ रिपोर्ट बनाएको आरोपमा अस्पतालका ३ जना कर्मचारी पक्राउ

खबर कुरा
२६ कार्तिक २०७७, बुधबार
                 

नेपालगञ्ज । कोरोनाको पीसीआर रिपोर्ट नेगेटिभ आएकाहरुलाई पनि पीसिआर रिपोर्ट पोजेटिभ बनाउँदै बेच्दै गरेको आरोपमा नेपालगन्जको भेरी अस्पतालबाट तीन जना कर्मचारीलाई प्रहरीले पक्राउ गरेको छ ।

जिल्ला प्रहरी कार्यालय बाँकेबाट खटिएको प्रहरी टोलीले बुधबार मध्यान्ह अस्पतालमा छापा मारेर नेगेटिभ पीसिआर रिर्पोटलाई पोजेटिभ बनाउन संलग्न रहेको आरोपमा अस्पतालका सुरक्षा गार्ड सहित २ जना कार्यालय सहयोगीलाई पक्राउ गरेको छ । पक्राउ पर्नेमा सुरक्षा गार्ड विवेक अधिकारी र कार्यालय सहयोगी बद्री खनाल र वासुदेव जोशी रहेको जिल्ला प्रहरी कार्यालय बाँकेले जनाएको छ ।

पीसीआर परीक्षणका लागि गरिने सिफारिस पत्रमा किर्ते गरेको सुचनाका आधारमा उनीहरुलाई अनुसन्धानका लागि पक्राउ गरिएको जिल्ला प्रहरी कार्यालय बाँकेका प्रवक्ता नायव प्रहरी उपरिक्षक सुवास खड्काले जानकारी दिए ।

कोरोना बीमा भुक्तानीका लागि नगेटिभ रिपोर्टलाई कर्मचारीको मिलेमतोमा पोजेटिभ बनाउने गरिएको आशंका गरिएको छ ।

यसमा तपाइको मत

Your email address will not be published.


*