६ जेष्ठ २०८१, आइतबार | May 19, 2024

अध्यक्ष प्रचण्डको प्रस्तावप्रति स्थायी समिति सदस्य शंकर पोखरेलको आपत्ती



बुटवल । नेपाल कम्युनिष्ट पाटी (नेकपा)का स्थायी समिति सदस्य तथा लुम्बिनी प्रदेश सरकारका मुख्यमन्त्री शंकर पोखरेलले सचिवालय बैठकमा अध्यक्ष प्रचण्डले प्रस्तुत गरेको राजनीतिक प्रस्ताव प्रति आपत्ती जनाएका छन् ।

पोखरेलले आफ्नो फेसबुक वालमा पोष्ट गर्दै सचिवालय बैठकमा प्रचण्डले पेश गरेको प्रस्ताव स्थायी समितिको बैठकको भावना विपरित रहेको बताएका छन् ।

प्रचण्डको प्रस्तावका बिषयमा नेता पोखरेलले लेखेका छन्, ‘कमरेड प्रचण्डले पार्टी एकताको मर्म र स्थायी कमिटीको निर्णयको भाव विपरित सचिवालय वैठकमा प्रथम अध्यक्षका विरुद्धमा संगिन आरोपसहित एकल प्रस्ताव प्रस्तुत गरेपछि पार्टी एकता गंभीर मोडमा पुगेको अनुभूती सिंगो पार्टी पंक्तिले गरिरहेको छ ।’

पार्टी अध्यक्ष एवं प्रधानमन्त्री ओलीका पक्षमा उभिएका पोखरेलले ओलीलाई प्रथम अध्यक्षका रुपमा सम्बोधन गर्दै एकल प्रस्ताव पेश गर्ने अधिकार दोस्रो अध्यक्षलाई नभएको तर्फ संकेत गरेका छन् ।

पोखरेलले पार्टी एकताको रक्षाका लागि बैठकमा प्रस्तुत गरिएको एकल प्रस्ताव फिर्ता गर्न प्रचण्डलाई आग्रह समेत गरेका छन् । पार्टीमा एकताको मर्म अनुरुप छलफललाई अघि बढाउन पनि उनले अध्यक्ष प्रचण्डलाई अनुरोध गरेका छन् ।

लामो प्रयासबाट बैठकमा बस्न प्रधानमन्त्री ओली तयार भएपछि शुक्रबार बसेको सचिवालय बैठकमा १९ बुंदे राजनीतिक प्रस्ताव पेश गर्दै पार्टीभित्रको विवाद वैधानिक तरिकाले हल गर्नुभन्दा ओलीले मदन भण्डारी फाउण्डेसनको नाममा राज्यशक्तिको दुरुपयोग गर्दै देशव्यापी गुट सञ्चालन गरेको आरोप लगाएका थिए ।

प्रचण्डले राजनीतिक प्रस्ताव पेश गरेपछि सचिवालय बैठक लगत्तै बालुवाटारमै ओली पक्षको बैठक बसेर प्रचण्डको प्रस्ताव प्रति आपत्ति जनाएको थियो ।

प्रकाशित मिति : २९ कार्तिक २०७७, शनिबार  ९ : १६ बजे

कार्यदलको बैठकमा सहमति जुटेन

काठमाडौं । सहकारी प्रकरण छानबिन गर्न बन्न लागेको संसदीय छानबिन

भरतपुरमा सात वर्षमा सात सय किलोमिटर सडक कालोपत्र

चितवन । कुनै बेला भरतपुर महानगरपालिकाका सडकमा गहिरा खाल्डा थिए

ट्राफिक प्रहरी जवान घिमिरेको हत्यामा संलग्न ७ जना सार्वजनिक

काठमाडौं । ट्राफिक प्रहरी प्रभाग, दरबारमार्गमा कार्यरत प्रहरी जवान युवराज

ओझेलमा पर्यटकीय रुडुबन्चु पाटन

कालीकोट । कालीकोटको तिलागुफा नगरपालिका-१० मा पर्ने पर्यटकीयस्थल पाटन रुडुबन्चु

इजरायली हवाई आक्रमणमा २० जनाको मृत्यु

गाजापट्टी । मध्य प्यालेस्टिनी क्षेत्रमा रहेको शरणार्थी शिविरको एक घरलाई