बुटवलको मध्य सडकमा टिपरको ठक्करबाट एकजनाको मृत्यु

बुटवल । बुटवलमा टिप्परको ठक्करबाट एकजना मोटरसाईकल चालकको मृत्यु भएको छ । मध्यान्ह ३ः३० बजे टिप्परको ठक्करबाट घाईते भएका पाल्पा निस्दी गाँउपालिका ३ का मानबहादुर सोतीको उपचारका क्रममा मृत्यु भएको हो ।

बुटवल राजमार्ग चौराहाबाट बुटवल बसपार्क जाँदै गरेको लु ११ प ४२१६ नम्बरको मोटरसाईललाई सोहि दिशाबाट आउँदै गरेको लु २ ख १९०५ नम्बरको टिप्परले बसपार्क नजिकै ठक्कर दिँदा सोती गम्भीर घाईते भएका थिए । घाईते सोतीको लुम्बिनी प्रादेशिक अस्पतालमा उपचारका क्रममा मृत्यु भएको प्रहरीले जनाएको छ ।

ठक्कर दिने टिप्पर र चालक प्रहरीको नियन्त्रणमा रहेको जिल्ला प्रहरी कार्यालय रुपन्देहीका प्रवक्ता नायव प्रहरी उपरिक्षक खड्कबहादुर खत्रीले बताए ।