कोरोना संक्रमण बढेसंगै पाकिस्तानका शैक्षिक संस्थाहरु पुन: बन्द गरिँदै

एजेन्सी । पाकिस्तानमा कोरोना भाइरसको संक्रमण बढेसंगै फेरि शैक्षिक संस्थाहरुले बन्दको घोषणा गरेका छन ।

सरकारी अधिकारीहरुले सोमबार गरेको घोषणा अनुसार आगामी बिहीबारदेखि शैक्षिक संस्थाहरु बन्द हुने भएका हुन् ।

घोषणामा शैक्षिक संस्था अर्को बर्षको जनवरी १० तारिखसम्म बन्द गर्ने उल्लेख गरिएको छ । शैक्षिक संस्थाहरु बन्द हुने भएपछि अहिले तय गरिएका सवै परीक्षाहरु पनि स्थगित गरिएको अधिकारीहरुले जानकारी दिएका छन् ।

वर्ल्डोमिटर्सका अनुसार पाकिस्तानमा मंगलबार बिहान यो समाचार तयार पार्दासम्म ३ लाख ७९ हजार ८८३ जनामा संक्रमण पुष्टि भएको छ ।