बुटवल । अघिल्लो वर्षको भाद्र २९ गते गोली प्रहार गरि एकजना नेपालीको हत्या गरि फरार एकजना भारतिय नागरिकलाई आज रुपन्देही प्रहरीले पक्राउ गरेको छ । रुपन्देहीको रोहिणी गाँउपालिकाका स्थानीय महेन्द्र कुर्मीलाई गोली प्रहार गरि फरार रहेका भारतिय नागरिक सुनिल कुमार सिंहलाई आज मध्यान्ह सिद्धार्थनगर नगरपालिका बेलहियाबाट पक्राउ गरिएको रुपन्देही प्रहरीले जनाएको छ ।
२०७६ भाद्र २९ गते रोहिणीको हुलाकी राजमार्गमा आफ्नै मोटरसाईकलमा हिंडिरहेका कुर्मीलाई अर्को मोटरसाईकलमा आएका सिंहले गोली प्रहार गरि हत्या गरेर कुर्मीसँग रहेको ५ लाख लुटेर फरार भएका थिए ।
रुपन्देही जिल्ला अदालतमा ज्यान मार्ने तथा डाँका मुद्दामा फरार अभियुक्तकारुपमा रहेका भारतको गोरखपुर थाना कम्पियरगंज ग्राम राजपुर वस्ने सिंहलाई वेलहिया स्थित भन्सार कार्यालय नजिकबाट पक्राउ गरिएको जिल्ला प्रहरी कार्यालय रुपन्देहीका प्रवक्ता प्रहरी निरिक्षक किशोर आचार्यले बताए ।
पक्राउ परेका सिंहलाई प्रहरीले आजै अदालतमा पेश गरेर अनुसन्धान सुरु गरेको प्रहरीले जनाएको छ ।
प्रतिक्रिया