बृहत्तर लुम्बिनीको विकास गर्न महाऋषि कपिलमुनिको तपोस्थल खोजी गर्न आवश्यक

कपिलबस्तु । राज्यले बृहत्तर लुम्बिनी बिकास योजना अगाडी बढाउन थालेको बेला लुम्बिनी बिकास कोषका उपाध्यक्ष अवधेश कुमार त्रिपाठी ( भिक्षु मेत्तेय ) ले महाऋषि कपिलमुनिको तपोस्थल खोजी गर्नु पर्ने बताएका छन ।

कपिलबस्तुको बाणगंगा नगरपालिकाको कपिलधाम स्थित बुद्धप्रतिमा अनावरण तथा ध्यानकेन्द्रको उदघाटन समारोहलाई सम्बोद्धन गर्दै उनले महाऋषि कपिलमुनिको तपोस्थल पुगेर प्रेरणा लिई महामानव बुद्धले बुद्धत्व प्राप्तीको बाटो अंगीकार गरेको ऐतिहासिक ठाँउको खोजी तथा अनुसन्धान गर्नु आवश्यक रहेको बताएका हुन् ।

उनले तिलौराकोट दरबार प्रमाणित भई गुरुयोजना निर्माणको चरणमा पुगेको हुदा कपिलमुनि तपोस्थल पत्ता लगाई बृहत्तर लुम्बिनी बिकास सँग जोडेर कपिलधाम पर्यटकीय स्थल बनाउनु पर्नेमा जोड दिए ।

कार्यक्रममा लुम्बिनी बिकास कोषका योजना शाखा प्रमुख सरोज भट्टराई ,कपिलधाम ब्यवस्थापन समिती अध्यक्ष शंकरप्रसाद आचार्य लगायतले बुद्धको महिमाका बारेमा धारणा राखेका थिए ।