आजको मौसम : सामान्यतया सफा, बायुको तापक्रम घट्दो, चिसो बढ्दो

काठमाडौं । हालका लागि देशभरको मौसममा प्रभाव पार्ने उल्लेखनीय मौसमी प्रणालीको प्रभाव छैन । जसअनुसार हाल देशभरको मौसम सामान्यतया सफा रहेको जल तथा मौसम विज्ञान विभागले जनाएको छ ।

आज दिउँसो देशभरको मौसम सामान्यतया सफा रहने विभागले जनाएको छ । त्यसैगरी आज राती देशभरको मौसम सामान्यतया सफा रहने विभागले जनाएको छ ।

आज विहान काठमाडौंको तापक्रम ८ डिग्री सेल्सियस रहेको छ । देशका धेरैजसो स्थानहरुको वायुको तापक्रममा गिरावट आउने क्रम पनि जारी छ ।

यसका साथै तराइका भू-भागमा बिहानीपख वायुको पारदर्शितामा कमी हुनेछ । जसबाट सडक तथा हवाई यातायात प्रभावित हुन सक्ने सम्भावना रहेकाले आवश्यक सतर्कता अपनाउन जल तथा मौसम विज्ञान विभागले आग्रह गरेको छ ।