बुटवल । रुपन्देही प्रहरीले अबैधरुपमा भईरहेको गोरुको तस्करी बिरुद्ध हस्तक्षप गरेको छ । लामो समयदेखि चल्दै आएको अबैध गोरु तसकरीको जालो चिर्दै रुपन्देही प्रहरीले एकै दिन ५ वटा ट्रकमा ओसारपसार भईरहेको १२१ गोरु सहित ५ जनालाई नियन्त्रणमा लिएको छ ।
पश्चिमबाट पूर्व तर्फ लैजाँदै गरिएको गोरु सहितको ट्रक प्रहरीको बिशेष टोलिले बुटवल उपमहानगरको अस्पताल लाईनबाट नियन्त्रणमा लिएको जिल्ला प्रहरी कार्यालय रुपन्देहीले जनाएको छ । प्रहरीका अनुसार नियन्त्रणमा लिईएको ट्रक, र ट्रकमा रहेका १२१ गोरु तथा ट्रक चालकलाई आवश्यक अनुसन्धान एवम कारबाहीको लागी पशु क्वारेम टाईम भैरहवा मा पठाईएको छ । प्रहरीले गोरु तस्करीमा संलग्न भएको आरोपमा बारा निजगढका गणेश पौडेल, जितपुर सिमराका तिलक बहादुर जिम्बा, निजगढ ९ का शम्भु भट्टराई, मकवानपुर हेटौडाका लक्ष्मण दनै तथा निजगढ ९ कै नवराज कार्की रहेका छन् ।
लामो समयदेखि पूर्व पश्चिम राजमार्गमा गोरुको तस्करी चलिरहेको गुनासो आएपनि यति ठूलो अनुपातमा गोरु सहित तस्करीमा संलग्नहरुलाई पक्राउ गरेको यो नै पहिलो भएको प्रहरीले दाबी गरेको छ ।
नेपालबाट तस्करी गरिएको गाई गोरु बंगलादेश र भुटान पठाउने गरिएको छ । भारतमा समेत गाईगोरुको मासु लुकाई छिपाई बेच्ने गरिएको छ । तस्करहरुले भारतबाट भन्सार छलेर ल्याएका गोरु नेपाली किसानसँग किनेको नक्कली कागजात बनाई बंगलादेश र भुटान पुर्याउने गरेका छन् ।
नेपाल र भारतमा कानुनले नै गाईगोरु निषेध गरेको छ । त्यसैले पनि गाइगोरु तेस्रो मुलुक लैजान भारतीय तस्करले नेपालको बाटो प्रयोग गर्न थालेका छन् ।
प्रतिक्रिया