काठमाडौं । हिमालयन टेलिभिजनबाट प्रशारण हुदै आएको रियालिटी शो ‘डान्सिङ विद द स्टार नेपाल’काे उपाधि सुमी मोक्तान र विजु पार्कीले जितेका छन् ।
शनिबार सम्पन्न भएको फाइनलमा अन्य दुई प्रतिस्पर्धी जोडीलाई पछि पार्दै उपाधी हात पारेका हुन् । उपाधिसँगै उनीहरूले २० लाख पुरस्कारसमेत जितेका छन् ।
साथै विभिन्न गिफ्ट ह्याम्पर पनि उनीहरूले प्राप्त गरेका छन् । विजेतालाई हिमालय टिभीका प्रमुख धर्मराज भुसालले ट्रफी प्रदान गरेका थिए ।
यस्तै फर्स्ट रनरअपको उपाधि बुद्ध लामा र केविका गुरुङले प्राप्त गरे । सेकेन्ड रनरअप प्रियना आचार्य र सुभम् भुजेल बने । उनीहरुले पनि विभिन्न गिफ्ट ह्याम्पर प्राप्त गरे ।
हिमालय टेलिभिजनबाट हरेक हप्ताको शुक्रबार र शनिबार यो शो प्रसारण हुँदै आएको थियो । यो शो मा निर्णायकको रूपमा गौरी मल्ल, दिलिप रायमाझी र रेनशा वान्तवा राई थिए ।
१२ जना स्टारहरूबाट प्रतिस्पर्धाको सुरुआत भएको थियो । १२ जना स्टार प्रतिस्पर्धी र उनीहरूको कोरियोग्राफर पार्टनरले डान्स गर्दै आएका थिए ।
प्रतिक्रिया