काठमाडौं । पार्टी अध्यक्ष एवं प्रधानमन्त्री केपी शर्मा ओलीले संसद विघटन गरेपछि अन्यौलग्रस्त भएको सत्तारुढ नेपाल कम्युनिष्ट पार्टी (नेकपा)को स्थायी कमिटी बैठक सुरु भएको छ ।
बैठक प्रधानमन्त्री निवास बालुवाटारमै बसिरहेको छ । बैठकमा ओली र उनी निकट नेताहरु भने उपस्थित भएका छैनन् ।
बैठकको अध्यक्षता गर्दै पार्टीका कार्यकारी अध्यक्ष पुष्पकमल दाहालले पार्टी अध्यक्ष एवं प्रधानमन्त्रीबाट भएको संसद विघटनको असंवैधानिक कदमको विरोध गरेका छन् ।
बैठकमा सात जना मन्त्रीहरुले राजीनामा दिएको बारे जानकारी गराइएको थियो । पार्टीको निर्णय विपरित संवैधानिक परिषद अध्यादेश फिर्ता नलिई उल्टै संसद नै विघटन गर्ने ओलीको कार्यप्रति बैठकले खेद व्यक्त गर्ने बुझिएको छ ।
बैठकले पार्टी अध्यक्षबाट अनुशासन उल्लंघन भएको आरोप लगाउँदै उनीमाथि कारवाही गर्ने एक स्थायी कमिटी सदस्यले दाबी गरे ।
प्रतिक्रिया