काठमाडौं । नेपाल कम्युनिष्ट पार्टी नेकपाको प्रचण्ड–नेपाल समुहको केन्द्रीय कमिटी बैठक बस्दैछ ।
काठमाडौंको बबरमहलस्थित एक पार्टी प्यालेसमा हुने बैठकमा सहभागी बन्न केन्द्रीय सदस्यहरु पुग्ने क्रम जारी छ ।
नेकपाका वैधानिक ४४१ सदस्यीय केन्द्रीय कमिटीमा ६५ प्रतिशत बढी केन्द्रीय सदस्यहरु प्रचण्ड–नेपाल समुहका रहेका छन् ।
केन्द्रीय कमिटी बैठक बस्नुअघि एजेण्डा तय गर्न स्थायी कमिटीका सदस्यहरुबीच छलफल भएको छ । यसअघि गत आइतबार बसेको सो समुह निकट स्थायी कमिटी सदस्यहरुको बैठकले पार्टीका अध्यक्ष एवं प्रधानमन्त्री केपी शर्मा ओलीलाई अनुशासनको कारवाही गर्ने निर्णय गरेको थियो । सो निर्णय आजको केन्द्रीय कमिटी बैठकबाट अनुमोदन गर्ने मुख्य एजेण्डा रहेको छ । बैठकले ओलीलाई कारवाही गरेर सो ठाउँमा वरिष्ठ नेता माधवकुमार नेपाललाई चयन गर्ने सम्भावना रहेको छ ।
यसअघि नेकपाको ओली पक्षले प्रधानमन्त्री निवास बालुवाटारमा बैठक सम्पन्न गरेको छ । सो समुहले ११९९ सदस्यीय महाधिवेशन आयोजक कमिटी गठन गरेको छ भने पार्टीको प्रवक्तामा नारायणकाजी श्रेष्ठलाई हटाएर प्रदीप ज्ञवालीलाई नियुक्त गरेको छ ।
प्रतिक्रिया