आजको मौसम : प्रदेश नं १, कर्णाली र सुदुरपश्चिममा आंशिक बदली, बाँकी क्षेत्रको मौसम सफा

काठमाडौं । हाल देशभरको मौसममा पश्चिमी वायुको सामान्य प्रभाव कायम रहेको छ ।

हाल बागमती र गण्डकी प्रदेशका हिमाली भू-भागको मौसममा आंशिकदेखि सामान्य बदली रहेको छ । त्यस्तै देशका बाँकी भु-भागको मौसम सामान्यतया सफा रहेको छ । आज विहान ६ बजेको बायुको तापक्रम ३ डिग्री सेल्सियस रहेका छ ।

आजको न्युनतम तापक्रम २ डिग्री सेल्सियस रहने छ भने अधिकतम तापक्रम १९ डिग्री सेल्सियस रहने जल तथा मौसम विज्ञान विभागले जनाएको छ ।

आज दिउँसो प्रदेश नं १, कर्णाली प्रदेश र सुदुरपश्चिम प्रदेशको मौसममा आंशिक बदली रहने छ । त्यस्तै देशका बाँकी भू-भागको मौसम सामान्यतया सफा रहनेछ ।

सुदूरपश्चिम प्रदेशका उच्च हिमाली भू-भागका एक, दुई स्थानमा हल्का हिमपातको सम्भावना रहेको विभागले जनाएको छ ।

त्यसैगरी आज राती प्रदेश नं १ को पहाडी भु-भागको मौसममा आंशिक बदली रहने छ । देशका बाँकी भू-भागको मौसम सामान्यतया सफा रहने जल तथा मौसम विज्ञान विभागले जनाएको छ ।