नेपालगन्ज । नेपाल कम्युनिष्ट पार्टी नेकपाको प्रचण्ड–नेपाल पक्षका नेता योगेश भट्टराईले प्रधानमन्त्रीले संसद विघटन गरेर अख्तियारको दुरुपयोग गरेको आरोप लगाएका छन् ।
प्रेस संगठन बाँकेले सोमबार नेपालगन्जमा गरेको पत्रकार सम्मेलनमा बोल्दै नेता भट्टराईले संबिधानमा हुँदै नभएको अधिकार प्रयोग गरेर संसद विघटन गरेर अख्तियारको दुरुपयोग गरेको बताएका हुन् ।
नेता भट्टराईले पार्टीबाट काम गर्न नदिएको भन्ने प्रधानमन्त्री ओलीको आरोप गलत भएको स्पष्ट पार्दै विविधता भएको पार्टी भित्र पार्टीका नेताले विविधता भित्र एकता खोज्नुपर्ने बताए । उनले कसैको एकल आदेश र हुकुमबाट पार्टी नचल्ने बताउँदै ओलीले पार्टीभित्र एकता कायम गर्न नसकेको र आफ्नो अयोग्यतालाई संसदमा लगेर मुलुकलाई थोपार्न नमिल्ने बताए ।
ओलीले पार्टी भित्र बहुमत बनाउन नसक्ने, केन्द्रीय कमिटि, स्थायी कमिटी र संसदीय दलमा बुहमत पु¥याउन नसकेपछि संसदमा लगेर आफ्नो अयोग्यता पोखेको भट्टराईको आरोप छ । ‘पार्टीको नेता पार्टीको बैठकबाट भाग्न मिल्छ रुस्थायी कमिटी, केन्द्रीय कमिटी र संसदीयदलबाट भाग्ने रु’, भट्टराईले प्रश्न गरे ।
ओलीले हुकुमी शैलीमा पार्टी चलाउन खोजेको भन्दै नेता भट्टराईले संसदीय अंगहरुलाई समेत नियन्त्रण गर्न खोजेर निरंकुशता प्रदर्शन गरेको बताए । ओली सरकारमा मन्त्री समेत रहेका भट्टराईले मुलुकमा अस्थिरता ल्याएर ओलीले वैदेशिक चलखेलको बाटो खोलेको आरोप लगाउँदै देशलाई अकर्मन्यताको बाटोमा लैजाने व्यक्ति प्रधानमन्त्रीमा बस्न नहुने बताए ।
उनले बुहदलीय जनवाद र एमाले विघटनको कागजमा ओली आफैले हस्ताक्षर गरेको हुँदा ओली पक्षले बहुदलीय जनवाद र एमालेको नाम लिन नसुहाउने जिकिर गरे । उनले संसद विघटन गरेर संसदीय व्यवस्था र राज्य प्रणालीकै मृत्युपत्रमा समेत ओलीले हस्ताक्षर गरेको आरोप लगाए ।
नेकपाको विभाजनले सिङ्गो मुलुक दुःखी भएको र मुलुकमा अस्थिरताको सुरुवात भएको उनको भनाई छ । प्रचण्ड–नेपाल पक्षको बाँके जिल्लस्तरीय कार्यकर्ता भेलालाई सम्बोधन गर्न नेता भट्टराई हिजो नेपालगन्ज पुगेका थिए ।
प्रतिक्रिया