काठमाडौं । नेकपाका प्रदेश नम्बर २ का संसदीय दलका नेता सत्यनारायण मण्डलविरूद्ध अविश्वासको प्रस्ताव दर्ता भएको छ ।
प्रधानमन्त्री केपी शर्मा ओलीले प्रतिनिधिसभा विघटन गरेसँगै दुई चिरामा विभाजन भएको नेकपा (प्रचण्ड-नेपाल) पक्षले मण्डलविरूद्ध अविश्वासको प्रस्ताव दर्ता गराएको हो ।
ओली पक्षमा खुलेर लागेका नेता मण्डलविरुद्ध प्रचण्ड-नेपाल पक्षका नेता शत्रुधन महतोको अगुवाइमा रामकुमार यादवमार्फत अविश्वास प्रस्ताव दर्ता गराइएको हो ।
प्रदेश २ मा नेकपाको ३२ जना सांसद छन् । त्यसमध्ये १७ जनाको हस्ताक्षरसहित अविश्वासको प्रस्ताव दर्ता गरिएको बताइएको छ ।
प्रतिक्रिया