बाँकेको डुडुवाको घुम्ती पसलमा पेस्तोलको कारोवार

नेपालगन्ज । बाँके डुडुवामा एक सामान्य पसलबाट कटुवा पेस्तोल बरामद गरिएको छ । डुडुवा गाँउपालिकामा पसल संचालन गर्दै आएका स्थानीय दिपक कुमार चौधरी (वर्मा)को पसलबाट बाँके प्रहरीले एक थान कटुवा पेस्तोल र त्यसमा लाग्ने गोली बरामद गरेको हो ।

सो पसलमा अवैध हातहतियारको कारोबार भईरहेको भन्ने सूचनाको आधारमा प्रहरीले छापा मार्दा वर्माले कम्मरको दाँया तर्फ बेल्टले च्यापी राखेको कुटवा पेस्तोल थान १ फेला पारी बरामद गरिएको बाँके प्रहरीले जनाएको छ । गरी सो सम्बम्धमा अनुसन्धान भईरहेको ।

पक्राउ परेका वर्मालाई मुलुकी फौजदारी कार्यविधी २०७४ को दफा १३० को उपदफा २ बमोजिम मुद्दा चलाउने तयारी भईरहेको प्रहरीले जनाएको छ । सो कसुर प्रमाणीत भए ७ वर्ष सम्म कैद र ७० हजार सम्म जरिवाना हुने ब्यवस्था रहेको छ ।