नेपालगन्ज । बाँकेमा उपचारका लागि पुगेका दांङ र रोल्पाका २ जना कोरोना संक्रमित महिलाको मृत्यु भएको छ । नेपालगन्ज मेडिकल कलेज कोहलपुर र भेरी अस्पताल नेपालगन्जमा भर्ना रहेका २ महिलाको जनाको आज बिहान मृत्यु भएको हो ।
स्वास्थ्य कार्यालय बाँकेले दिएको जानकारी अनुसार गत पुस १० गते भेरी अस्पतालमा भर्ना भएकी दांङ बबई ६ दांङकी ८० वर्षीया महिलाको आज बिहान ६ः३० बजे मृत्यु भएको छ भने रोल्पा लिवांङ ४ बाट पुस २५ गते उपचारकालागि नेपालगन्ज मेडिकल कलेज कोहलपुर भर्ना भएकी ४० वर्षीया महिलाको राती ३ः३० बजे मृत्यु भएको छ ।
कोभिड १९ उपचारका क्रममा गरिने सबै उपचार बिधि अपनाउँदा समेत उनीहरुलाई बचाउन नसकिएको स्वास्य कार्यालय बाँकेका कोरोना फोकलपर्शन तेज ओलीले बताए ।
आज मृत्यु भएसँगै बाँकेमा उपचार गर्न बाहिरी जिल्लाबाट आएका मध्य ८२ जना कोरोना संक्रमितको मृत्यु भएको छ ।
प्रतिक्रिया