१६ चैत्र २०८०, शुक्रबार | March 29, 2024

हिमालय एयरलाइन्सले ग-यो संसारकै उच्चस्थानको ल्हासा अन्तर्राष्ट्रिय विमानस्थलमा परीक्षण उडान



काठमाडौं । नेपालको निजी क्षेत्रद्वारा संचालित हिमालय एयरलाइन्स चीनको तिब्बत स्वायत्त प्रदेशको ल्हासास्थित अन्तर्राष्ट्रिय विमानस्थलमा अवतरण गर्ने पहिलो विदेशी एयरलाइन्स कम्पनी बनेको छ ।

नेपाल र चीनको संयुक्त साझेदारीमा संचालित यस हिमालय एअरलाइन्स्ले आज ल्हासास्थित गंगोर विमानस्थलमा सफल परीक्षण उडान गरेको छ ।

३ हजार ५७० मिटर अर्थात ११ हजार ७११ फिट बराबरको उचाइमा रहेको ल्हासा गोंगर अन्तर्राष्ट्रिय विमानस्थल संसारकै सबैभन्दा उच्चस्थानमा रहेको विमानस्थल मानिन्छ ।

एअरलाइन्स्का प्रशासकीय उपाध्यक्ष विजय श्रेष्ठले ल्हासा गोंगर अन्तर्राष्ट्रिय विमानस्थलमा अवतरण गर्ने पहिलो र एकमात्र विदेशी एअरलाइन्स् हुन पाउनु हिमालयका लागि गर्वको विषय बनेको बताएका छन् ।

ल्हासा चीनको तिब्बत प्रदेशको को धार्मिक र प्रशासनिक राजधानी हो । जसले संसारभरबाट पर्यटक आकर्षित गर्दै आएको छ । यो परीक्षण उडान सन् २०२१ को ग्रीष्म ऋतुमा नियमित उडान गर्ने व्यावसायिक योजना अनुरूप भएको हिमालयन एयरलाइन्सले जनाएको छ ।

परीक्षण उडान H9 961 त्रिभुवन अन्तर्राष्ट्रिय विमानस्थलबाट नेपाली समयअनुसार बिहान ७ः१७ बजे उडान भरेको विमानले ल्हासाको गोंगर अन्तर्राष्ट्रिय विमानस्थलमा स्थानीय समयअनुसार बिहान १०ः४६ बजे अवतरण गरेको थियो ।

एयरलाइन्स सञ्चालन उपाध्यक्ष क्याप्टेन हाओ दीले, वरिष्ठ क्याप्टेनहरुसहित परीक्षण उडानका चालक दलको नेतृत्व गरेका छन् । चालक दलले ल्हासा स्थित गोंगर अन्तर्राष्ट्रिय विमानस्थलमा वैधता उडानका लागि तीन फरक फरक एप्रोचेज अपनाउने एयरलाइन्सले जनाएको छ ।

परीक्षण उडानका लागिएअरलाइन्स्ले सन्२०२०को मार्च महिनामै विशेषतः उच्चउचाईका लागि उडान भर्न H9 AJK नाममा दर्ता भएको नयाँ न्यारोबडी A319-115 विमान प्रयोगमा ल्याएको छ । यो जहाजमा १२० इकोनोमी र ८ विजिनेस क्लास सिट रहेको छ । यो विमानले अधिकतम १४ हजार ५०० फिटसम्मको एअरोड्रम उचाई भएको ट्रान्स हिमालयन मार्गमा सञ्चालन गर्ने क्षमता रहेको छ ।

परीक्षण उडानपछि हिमालयन एयरलाइन्सका अध्यक्ष झोउ एन्योङ्गले सुरक्षा, टीम भावना र विजयी भावनासहितको कम्पनीको प्रमुख मार्गनिर्देशक सिद्धान्तहरुको प्रतिबद्धतालाई प्रबल बनाएको बताएका छन् । उनले परीक्षण उडानका लागि सहयोग गर्ने नेपाल र चीनका नागरिक उड्यन प्राधिकरणलाई धन्यवाद पनि दिएका छन् ।

प्रकाशित मिति : ६ माघ २०७७, मंगलबार  २ : २८ बजे

सुदूरपश्चिम सरकार छोड्न नाउपा अध्यक्ष रञ्जिताको लिखित निर्देशन

काठमाडौं । नागरिक उन्मुक्ति पार्टी (नाउपा)की अध्यक्ष रञ्जिता श्रेष्ठले सुदूरपश्चिम

लोकेश बमको शतकका बाबजुद आयरल्याण्ड वोल्भ्ससँग नेपाल पराजित

काठमाडौं। आयरल्याण्ड वोल्भ्सले नेपाल ए लाई पराजित गरेको छ ।

नेपाली सेनाको उच्चस्तरीय राष्ट्रिय सुरक्षा तालिम सम्पन्न

काठमाडौँ । रक्षा मन्त्रालय र नेपाली सेनाको संयुक्त आयोजनामा गत

निर्धारित लागत र समयभित्र आयोजना सम्पन्न हुनेछन् : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले ठूला आयोजनामा भएका कामकारबाहीको

आयरल्याण्ड वोल्भ्सविरुद्ध लोकेश बमको शतक

काठमाडौं। लोकेश बमले आयरल्याण्ड वोल्भ्सविरुद्ध शतक प्रहार गरेका छन् ।