काठमाडौं । प्रतिनिधिसभा विघटनको विरोधमा बृहत् नागरिक आन्दोलन–२०७७ र चिकित्सा शिक्षा सुधार अभियन्ता गोविन्द केसीसहितको समूहले माइतीघर मण्डलामा धर्नासहितको प्रदर्शन रेको छ ।
नागरिक अगुवाहरु सम्मितिल धर्नामा प्रतिनिधिसभा विघटनमार्फत देशलाई प्रतिगमनमा लगिएको भन्दै विरोध गरिएको छ । प्रदर्शनमा सहभागीहरुले प्रधानमन्त्री केपी शर्मा ओलीले देशलाई अस्थिरतामा लगेको आरोप लगाएका छन् ।
मध्यान्न १२ बजेदेखि १ बजेसम्म आयोजित धर्ना तथा प्रदर्शनमा सहभागीहरुले ‘प्रतिनिसभा मार्न पाईंदैन, निरंकुश सरकार चाहिँदैन; संवैधानिक निकायको कब्जा बन्द गर, असंवैधानिक नियुक्ति सिफारिस खारेज गर; न्यायिक सुशासन कायाम गर, संविधानवादको रक्षा गर’ जस्ता नारा लेखिएका प्लेकार्ड बोकेका थिए ।
धर्ना पछि आयोजित कोणसभालाई बृहत् नागरिक आन्दोलनका संयोजक युग पाठक, बागमती सफाईका अभियन्ता राम शाह, कर्ण तामाङ लगायतले सम्बोधन गरेका थिए ।
बृहत् नागरिक आन्दोलनले प्रतिगमनविरूद्ध सोमबार २ बजे कमलपोखरीबाट जलुस निकाली बालुवाटार पुग्ने जनाएको छ ।
प्रतिक्रिया