प्रतिनिधिसभा विघटन विरुद्धको रिटमाथि संवैधानिक इजलासमा सुनुवाइ हुँदै, न्यायाधीशहरु फेरिएनन

खबर कुरा
१८ जेष्ठ २०७८, मंगलवार

काठमाडौं । प्रतिनिधिसभा विघटन विरुद्ध दायर रिटमाथि सुनवाइ गर्न गठित संवैधानिक इलजासमा न्यायाधीसहरु फेरिएनन् ।

यसअघि गठित इजालासकै न्यायाधीसहरु आज पनि दोहोरिएका छन् । अब साविककै इजलासमा प्रतिनिधिसभा विघटन विरुद्ध परेका रिटमाथि सुनुवाइ हुनेभएको छ ।

शुक्रबार र आइतबार रिट निवेदकका पक्षबाट बहस गरेका कानूनव्यवसायीहरुले न्यायाधीसद्वय तेजबहादुर केसी र बमकुमार श्रेष्ठ इजलासमा रहन नहुने माग गरेका थिए । यसबारे विवाद बढेपछि इजलासमै पक्ष विपक्षमा बहस समेत भएको थियो । महान्यायाधिवक्ताले भने वकिलले प्रश्न उठाउँदैमा न्यायाधीस फेरिन नहुने तर्क गरका थिए ।

प्रधानन्यायाधीस चोलेन्द्रशमशेर जबराले इजलासमा रहने नरहने विषय न्यायाधीसमै निर्भर हुने भन्दै उठेको इजलास आजका लागि स्थगित भएको थियो । यसबारे संवैधानिक इजलासको रोष्टरमा रहेका सर्वोच्चका न्यायाधीसहरुबीच हिजो गम्भीर छलफल भएको थियो । न्यायाधीसहरुले विवाद नआउने गरी वरिष्ठताका आधारमा इजलास गठन गर्नुपर्ने विषयमा हिजो छलफल गरेका थिए ।

तर, आजको इजलासमा भने न्यायाधीसद्वयहरु परिवर्तन गरिएको छैन । न्यायाधीसहरु फेरिन सक्ने अनुमान गरिए पनि आजको इजलासमा पनि प्रधानन्यायाधीस राणासहित दीपककुमार कार्की, आनन्दमोहन भट्टराई, तेजबहादुस केसी र बमकुमार श्रेष्ठ रहेका छन् । न्यायाधीसद्वय श्रेष्ठ र केसीले आफुबारे उठेका विषयमाथि इजलासमै आफ्नो धारणा राख्ने बताएका छन् ।

 

यसमा तपाइको मत

Your email address will not be published. Required fields are marked *


*