काठमाडौं । नेकपाको प्रचण्ड नेपाल पक्षका अध्यक्षद्वय पुष्पकमल दाहाल प्रचण्ड र माधवकुमार नेपाल आज माइतीघरमा धर्नामा बस्दैछन् ।
सरकार विरुद्ध भैरहेको निरन्तरको देशव्यापी प्रदर्शन र सभामा उपस्थित हुँदै आएका अध्यक्षद्वय प्रचण्ड र नेपाल माइतीघर मण्डलामा आयोजित धर्ना कार्यक्रममा सहभागी हुन लागेका हुन् । दुवै अध्यक्ष मध्यान्न १२ बजेपछि धर्नामा सहभागी हुनेछन् ।
नेकपाको तेस्रो चरणको आन्दोलनअन्तर्गत संविधानसभाका सभासदहरु र पूर्व सांसदहरु माघ १४ गतेदेखि धर्नामा सहभागी भैरहेका छन् ।
प्रतिनिधिसभा विघटन विरुद्ध प्रचण्ड नेपाल नेतृत्वको नेकपा गत पुष ५ गतेदेखि नै आन्दोलनमा रहँदै आएको छ ।
नेकपाले शनिबार धनगढीमा, शुक्रबार विराटनगरमा र बिहीबार बुटवलमा विशाल प्रदर्शन र सभा सम्पन्न गरिसकेको छ । यही माघ २८ गते काठमाडौंमा अहिलेसम्मकै सबैभन्दा ठूलो जनप्रदर्शन गर्ने नेकपाले दाबी गरेको छ ।
प्रतिक्रिया